Saturday, June 11, 2011

ഓർമ്മകളുടെ പുഴ

ഇന്നൊരു കാറ്റ്‌
ഓർമ്മകളുടെ പുഴയൊന്നൊഴുക്കി
ഓളങ്ങളോടോപ്പം ഒഴുകിയെത്തിയത്‌
മുത്തും പവിഴവും
ഓമനിക്കാനായ്‌ നിൻ
കുപ്പി വള കിലുക്കവും ..(2)

നീ തന്ന പൂക്കളും
മഞ്ചാടി മണികളും
തളിർ ഇലയിൽ നിന്നു
നീ തൊട്ടു നീട്ടിയചന്ദനകുറിയും
പിന്നെ എനിക്കായ്‌
നീ കാത്തു നിന്നതും

ബാല്യമായിരുന്നെങ്കിലും
സ്നേഹമായിരുന്നെന്ന്
വെറുതെ ഞാനോന്ന്
മോഹിച്ചോട്ടെ

ഇന്നൊരു കാറ്റ്‌
ഓർമ്മകളുടെ പുഴയൊന്നൊഴുക്കി ..(2)

നിദ്രയിൽ എന്നും നീ
കിനാവായ്‌ വരുന്നതും
നിലാവിനോടോപ്പം നാം
നീല വാനിൽ പറന്നതും

ബാല്യമായിരുന്നെങ്കിലും
സ്നേഹമായിരുന്നെന്ന്
വെറുതെ ഞാനോന്ന്
മോഹിച്ചോട്ടെ

ഇന്നൊരു കാറ്റ്‌
ഓർമ്മകളുടെ പുഴയൊന്നൊഴുക്കി ..(2)