Friday, September 10, 2010

രാജമല്ലി പൂക്കൾ


പറഞ്ഞുപോയവയിൽ നിന്ന്
ചില വാക്കുകൾ കളവു പോയത്‌
ഞാൻ അറിഞ്ഞിരുന്നിലല്ലോ

മാനത്തു പൂവിട്ട വർണ്ണങ്ങളെ
മണ്ണിൽ കൊഴിച്ചിട്ട
രാജമല്ലിപൂക്കൾക്കിടയിൽ നിന്ന്

മഞ്ചാടി മണികൾ പോലെ
ചില വാക്കുകൾ
പെറുക്കിയെടുത്ത്‌ നീ
കൂട്ടിവെച്ചിരിക്കുന്നതെന്തിനാണു

വഴിയരികിലെ മൺ തിട്ടയിൽ
നീ എടുത്തുവെച്ച വാക്കുകൾ
ഇതിനു മുൻപും ഞാൻ
കാണാതെ പോയിട്ടുണ്ടല്ലോ